బిగ్‌బాస్ సీజన్-8 గ్రాండ్ ఫినాలేలో టాప్-5 ఫ్యామిలీస్ వచ్చారు. ఇక హౌస్ నుండి ఎలిమినేషన్ అయిన ఎక్స్ కంటెస్టెంట్స్ కూడా వచ్చారు. హరితేజ, నయని పావని మాత్రం మిస్ అయ్యారు. శ్రీకృష్ణ, గీతా మాధురి కలిసి పాటలతో అలరించగా.. నబా నటేష్ డ్యాన్స్ పర్ఫామెన్స్ అదిరిపోయింది. ముందుగా టాప్-5 నుంచి అవినాష్ ఎలిమినేట్ అయ్యాడు.

ఆ తర్వాత హీరోయిన్ ప్రగ్యా జైస్వాల్ స్టేజ్ మీదకి ఎంట్రీ ఇచ్చింది. ఇక హీరోయిన్ ప్రగ్యా జైస్వాల్‌కి హోస్ట్ నాగార్జున ఓ బాధ్యత అప్పగించారు. హౌస్ లోపలికి వెళ్లి టాప్-4 నుంచి ఒకరిని బయటికి తీసుకురావాలన్నారు. ఇక ప్రగ్యా జైస్వాల్ వెళ్లి నిఖిల్, గౌతమ్, నబీల్, ప్రేరణలో ఓటింగ్‌లో నాలుగో స్థానంలో నిలిచిన ప్రేరణని బయటికి తీసుకొచ్చింది. ఇక బయటికి వచ్చే ముందు ప్రేరణ మిగిలిన ముగ్గురికీ ఆల్ ది బెస్ట్ చెప్పి బయటికొచ్చేసింది. ఇక స్టేజ్ మీదకి వచ్చాక ప్రేరణపై ప్రశంసలు కురపించారు నాగార్జున. చాలా కష్టపడి టాప్-5లో నిలిచిన ఒకే ఒక్క లేడీ నువ్వు అంటూ కొనియాడారు. ఇక తనని ఈ స్థాయి వరకూ తీసుకొచ్చిన ప్రేక్షకులకి ప్రేరణ కృతజ్ఞతలు చెప్పింది. తన కోపాన్ని, పిచ్చి మాటలని యాక్సెప్ట్ చేసిన తెలుగు ప్రేక్షకులకి ధన్యవాదాలు చెప్పింది.

వైల్డ్ కార్డ్ కంటెస్టెంట్స్ రాకముందు హౌస్ లో ఉన్న లేడి కంటెస్టెంట్స్ లో ప్రేరణకి ఎక్కువ సపోర్ట్ ఉండేది‌. తన ఆటతీరు కూడా బాగుండేది. అయితే ఒకానొక దశలో మెగా ఛీఫ్ కోసం ప్రేరణ పడే కష్టం చూసి అందరు తనని మెగా ఛీఫ్ గా చూడాలనుకున్నారు. కానీ అదే కొంపముంచింది. మెగా ఛీఫ్ తర్వాత ప్రేరణలో చాలా మార్పు వచ్చింది. బ్యాడ్ మెగా ఛీఫ్ అంటూ మెజారిటీ హౌస్ మేట్స్ చెప్పడంతో తనకి నెగెటివిటి పెరిగింది. ఆ తర్వాత ఇండివిడ్యువల్ గా ఆడటానికి ట్రై చేయటంతో టాప్-5 లో నిలిచింది ప్రేరణ.